NOSTRADAMUS CENTURY 3 FRENCH

RETURN TO
THE COMPLETE WORKS OF NOSTRADAMUS ENGLISH AND FRENCH

CENTURY3
III. 1.
A Pres combat & bataille nauale,
(froy.
Le grand Neptun à son plus haut bef-
Rouge aduersaire de peur deuiendra
(pasle
Mettât le grâd Ocean en effroy.

III. 2.
Le diuin verbe pourra à la substance,
Comprins ciel, terre, or occult au fait mystique
Corps, ame, esprit ayant toute puissance,
Tant soubs ses pieds comme au siege Celique.

III. 3.
Mars & Mercure & l'argent ioint ensemble
Vers le midy extréme siccité,
Au fond d'Asie on dit à terre tremble,
Corinthe, Ephese lors en perplexité.

III. 4.
Quand seront proches le deffaut des lunaires,
De l'vn à l'autre ne distant grandement :
Froid, siccité, danger vers les frontieres,
Mesme où l'oracle a prins commencement.

III. 5.
Pres loing defaut de deux grands lumi-
Qui suruiendra entre Auril & Mars,
O quel cherté ! mais deux grands debonnaires,
Par terre & mer secourront toutes parts.
C ij

III. 6.
Dans temples clos le foudre y entrera,
Les citadins dedans leurs forts greuez :
Cheuaux, bœufs, hommes, l'onde leur touchera
Par faim, soif soubs les plus foibles armez,

III. 7.
Les fugitifs feu du ciel sus les piques,
Conflit prochain des corbeaux s'esbatans :
De terre on crie aide secours celiques,
Quand pres des murs seront combatans.

III. 8.
Les Cimbres ioints auec leurs voisins,
Depopuler viendront pres de l'Espagne :
Gens amaffez Guienne & Limousins
Seront en ligue & leur feront compagne.

III. 9.
Bordeaux, Roüen, & la Rochelle ioints,
Tiendront autour de la grand mer Occeane :
Anglois, Bretons, & les Flamans conioints,
Les chasseront iusques aupres de Rouane.

III. 10.
De sang & faim plus grand calamité,
Sept fois s'appreste à la marine plage :
Monech de faim, lieu pris captiuité,
Le grand mené croc enferree cage.

III. 11.
Les armes battre au ciel longue saison,
L'arbre au milieu de la cité tombé :
Vermine, rongne, glaiue en face tyfon,
Lors le Monarque d'Hadrie succombé.

III. 12.
Par la tumeur de Heb. Po, Tag. Tymb. &
(Rome,
Et par l'estang Geman & Aretin :
Les deux grands chefs & citez de Garonne,
Prins, morts, noyez, partir humain butin.

III. 13.
Par foudre en l'arche or & argent fondu.
Des deux captifs l'vn l'autre mangera,
De la cité le plus grand estendu,
Quand submergee la classe nagera.

III. 14.
Par le rameau du vaillant personnage,
De France infime par le pere infelice :
Honneurs, richesses, trauail en son vieil aage,
Pour auoir creu le conseil d'homme nice.

III. 15.
Cœur, vigueur, gloire, le regne changera,
De tous points, contre ayant son aduersaire :
Lors France enfance par mort subiugera,
Le grand regent sera lors plus contraire.

III. 16.
Le prince Anglois Mars à son cœur de ciel,
Voudra pour suyure sa fortune prospere :
Des deux duels l'vn percera le fiel,
Hay de luy, bien aymé de sa mere.

III. 17.
Mont Auentine brusler nuict sera veu,
Le ciel obscur tout à vn coup en Flandres :
Quand le Monarque chassera son neueu,
Les gens d'Eglise commettront les esclan-
(dres.
C iij

III. 18.
Apres la pluye laict, assez longuette,
En plusieurs lieux de Reims le ciel touché,
O quel conflit de sang pres d'eux s'appreste!
Peres & fils, Roys n'oseront approché.

III. 19.
En Luques sang & laict viendra pleuuoir,
Vn peu deuant changement de preteur,
Grand peste & guerre, faim & soif fera voir,
Loing ou mourra prince & grand recteur

III. 20.
Par les contrees du grand fleuve Bethique
Loing d'Ibere au royaume de Grenade,
Croix repoussees par gens Mahometiques,
Vn de Cordube trahyra la contrade.

III. 21.
Au crustamin par mer Hadriatique,
Apparoistra vn horribe poisson,
De face humaine & la fin aquatique,
Qui se prendra dehors de l'hameçon.

III. 22.
Six iours l'assaut deuant cité donné,
Liuree sera forte & aspre bataille,
Trois la rendront & à eux pardonné,
Le reste à feu & à sang tranche taille.

III. 23.
Si, France, passe outre mer Lygustique,
Tu te verra en isles & mers enclos,
Mahommet contraire plus mer Hadriatique
Cheuaux & d'asnes tu rongeras les os.

III. 24.
De l'entreprinse grande confusion,
Perte de gens, tresor innumerables :
Tu ny dois faire encores tension,
France, à mon dire fais que sois recordable.

III. 25.
Qui au royaume Nauarrois paruiendra,
Quand le Sicile & Naples seront ioints :
Bigorre & landes par fois larron tiendra,
D'vn qui d'Espagne sera par trop conioints.

III. 26.
Des Roys & princes dresseront simulachres
Augures creuz, escleuez arus ices :
Corne victime doree, & d'azur d'acres,
Interpretez seront les extipices.

III. 27.
Prince lybinique puissant en Occident,
François d'Arabe viendra tant enflammer :
Sçauans aux lettres sera condescendent,
La langue Arabe en François translater.

III. 28.
De terre foible & pauure parentelle
Par bout & paix paruiendra dans l'Empire,
Long temps regner vne ieune femelle,
Qu'oncq' en regne n'en furuint vn si pire.

III. 29.
Les deux ne pueux en diuers lieux nour ris,
Nauale pugne, terre pierres tombees
Viendront si haut esleué enguerris,
Venger l'iniure ennemys succombez.
C iiij

III. 30.
Celuy qu'en luitte & fer au fait bellique,
Aura porté plus grand que luy le pris :
De nuit au lit fix luy feront la pique,
Nud sans harnois subit sera surprins.

III. 30.*
Celuy qu'en luite & fer au fait bellique
Aura porté plus grand que luy le pris,
De nuit au lit fix luy feront la pique :
Nud ƒans harnois ƒubit ƒera ƒurpris.

III. 30.**
Celuy qu en luite & fer au fait bellique,
Aura porté plus grand que luy le pris :
De nui¢t au li¢t fix luy feront la pique,
Nud ƒans harnois ƒubit ƒera ƒurpris.

III. 31.
Aux champs de Mede, d'Arabe & d'armenie
Deux grands copies trois fois s'assemble-
(ront :
Pres du riuage d'Araxes la mesnie,
Du grand Soliman en terre tomberont.

III. 32.
Le grand sepulchre du peuple Aquitanique
S'approchera aupres de la Toscane :
Quand Mars sera pres du coing Germanique,
Et au terroir de la gent Mantuane.

III. 33.
En la cité où le loup entrera,
Bien pres de là les ennemis seront :
Copie estrange grand pays gastera,
Aux monts & Alpes les amis passeront.

III. 33.*
En la cité ou le loup entrera,
Bien prés de là les ennemis ƒeront.
Copie eƒtrange grand pays gaƒtera.
Aux monts & Alpes les amis paƒƒeront.

III. 33.**
En la cité où le loup entrera,
Bien pres de là les ennemis ƒeront :
Copie eƒtrange grand pays gaƒtera.
Aux murs & Alpes les amis paƒƒeront.

III. 34.
Quand le deffaut du Soleil lors sera,
Sur le plein iour le monstre sera veu;
Tout autrement on l'interpretera,
Cherté n'a garde, nul n'y aura pourueu.

III. 35.
Du plus profond de l'Occident d'Europe,
De pauures gens vn ieune enfant naistra :
Qui par sa langue seduira grande trouppe,
Son bruit au regne d'Orient plus croistra,

III. 36.
Enseuely non mort apopletique,
Sera trouué auoir les mains mangées
Quand la cité damnera l'heretique,
Qu'auoit leurs loix ce ieur sembloit changées.

III. 37.
Auant l'assaut oraison prononçee,
Milan prins d'Aigle par embusches deceus :
Muraille antique par canons enfoncee,
Par feu & sang à mercy peu receus.

III. 38.
La gent Gauloise & nation estrange,
Outre les monts morts, prins & profligez :
Au moys contraire & proche de vendange
Par les Seigneurs en accord redigez.

III. 39.
Les sept en trois mis en concorde,
Pour subiuguer les Alphes Apennines :
Mais la tempeste & ligure coüarde,
Les profigent en subiets ruynes.

III. 40.
Le grand theatre se viendra redresser,
Le dez ietté, & les rets ia tendus :
Trop le premier en glaz viendra lasser,
Par arcs prostraits de long temps ia fendus.

III. 41.
Bossu sera esleu par le conseil,
Plus hydeux monstre en terre n'aperceu;
le coup volant Prelat creuera l'œil,
Le traistre au Roy pour fidelle receu,

III. 42.
L'enfant naistra à deux dents en la gorge,
Pierre en Tulcie par pluye tomberont :
Peu d'ans apres ne sera bled ne orge,
Pour faouller ceux qui de faim failliront.

III. 43.
Gens d'alentour de Tarn, Loth, & Garonne
Gardez les monts Appennines passer,
Vostre tombeau pres de Rome & d'Anconne
Le noir poil crespe fera trophee dresser.

III. 44.
Quand l'animal à l'homme domestique
Apres grand peine & sauts viendra parler :
Le foudre à vierge sera si malefique
De terre prinse & suspenduë en l'air.

III. 45.
Les cinq estrangers entrez dedans le temple
Leur sang viendra la terre prophaner;
Aux Thoulouseins sera bien dure exemple
D'vn qui viendra les loix exterminer.

III. 46.
Le Ciel (de Plancus la cité) nous presage
Par clairs insignes & par estoilles fixes,
Que de son change subit s'approche l'aage
Ne pour son bien ne pour les malefices.

III. 46.*
Le ciel (Plancus lacité) nous preƒage
Par clairs inƒignes & par eƒtoilles fixes,
Que de ƒon change ƒubit s'approche l'age,
Ni pour ƒon bien, ni pour ƒes malefices.

III. 46.**
Le ciel (de Plancus a cité) nous preƒage,
Par clairs inƒignes & par eƒtoilles fixes,
Que de ƒon change ƒubit s'approche l'aage,
Ne pour ƒon bien, ne pour ƒes malefices.

III. 47.
Le vieux monarque dechassé de son regne
Aux Oriens son secours ira querre,
Pour peur de croix ployera son enseigne,
En Mitilene ira par port & par terre.

III. 48.
Sept cens captifs attachez rudement,
Pour la moitié meurdrir, donne le fort :
Le proche espoir viendra si promptement,
Mais non si tost qu'vne quinziesme mort.

III. 49.
Regne Gaulois tu seras bien changé,
En lieu estenge l'Empire translaté,
En autres loix & mœurs seras rangé,
Roüen & Chartres te fera bien du pire.

III. 50.
La republique de la grande Cité
A grand rigueur ne voudra consentir :
Roy sortir hors par trompette cité,
L'eschelle au mur la cité repentir.

III. 51.
Paris coniure vn grand meurtre commettre
Blois le fera sortir en plain effect :
Ceux d'Orleans voudront leur chef remettre,
Angiers, Troye, Langres : leur feront grâd
(forfait.

III. 51.*
Paris coniure vn grand murtre commettre,
Blois le fera venir à plein effe¢t.
Ceux d'Orleans voudront leur Chef remettre.
Tours, Langre, Angiers leur feront grand forfait.

III. 51.**
Paris coniure vn grand meurtre commettre,
Bloys le fera ƒortir en plein effet :
Ceux d'Orleans voudront leur chef remettre,
Angers, Troye, Langres leur feront grand forfait.

III. 52.
En la campagne sera si longue pluye,
Et en la Pouille si grande siccité,
Coq verra l'Aigle lu

III. 53.
Quand le plus grand emportera le pris
De Nuremberg, d'Auspurg, & ceux de Basle,
Par Agripine chef Frank fort repris,
Trauerseront par Flamans iusqu'en Gale.

III. 54.
L'vn des plus grands fuyra aux Espagnes,
Qu'en longue playe apres viendra seigner
Passant copies par les hautes montaignes,
Deuastant tout & puis en paix regner.

III. 55.
En l'an qu'vn œil en France regnera,
La court sera en vn bien fascheux trouble :
Le grand de Bloys son amy tuëra,
Le regne mis en mal & doute double.

III. 55.*
En l'an qu'vn œil en France regnera
La Cour ƒera en vn bien facheux trouble.
Le grand de BLOYS ƒon amy tuera.
Le regne mis en mal & doubte double.

III. 55.**
En l'an qu'vn œil en France regnera,
La cour ƒera à vn bien faƒcheux trouble :
Le grand de Bloys ƒon amy tuera :
Le regne mis en mal & doute double.

III. 56.
Montauban, Nismes, Auignon, & Besiers,
Peste, tonnerre, & gresle à fin de Mars :
De Paris pont Lyon mur, Montpellier,
Depuis six cens et sept xxiii. parts.

III. 57.
Sept fois changer verrez gent Britannique
Taints en sang en deux cents nonante an :
France, non, point par appuy Germanique,
Ariez doubte son pole Bastarnan.

III. 58.
Aupres du Rin des montagnes Moriques
Naistra vn grand de gens trop tard venu.
Qui deffendra Saurome & Pannoniques,
Qu'on ne sçaura qu'il sera deuenu.

III. 59.
Barbare Empire par le tiers vsurpé,
La plus part de son sang mettre à mort,
Par mort senile, par luy, le quart frappé,
Par peur que sang par la sang en soit mort.

III. 60.
Par toute Asie grande proscription,
Mesme en Mysie, Lysie, & Pamphylie :
Sang versera par absolution,
D'vn ieune noir remply de felonnie.

III. 61.
La grande bande & secte crucigere
Se dressera en Mesopotamie,
Du proche fleuue compagnie legere,
Que telle loy tiendra pour ennemie.

III. 62.
Proche del duero par mer Cire ne close,
Viendra percer les grands monts Pyrenées.
La main plus courte & sa perçée glose
A Carcassonne conduira ses menées.

III. 63.
Romain pouuoir sera du tout à bas
Son grand voisin imiter ses vestiges :
Occultes haines ciuiles & debats
Retarderont aux bouffons leurs follies.

III. 64.
Le chef de Perse remplira grands Olchades
Classe trireme contre gent Mahometique,
De Parthe & Mede, & pilliers les Cyclades,
Repos long temps au grand port Ionique.

III. 65.
Quand le sepulcre du grand Romain trouué
Le iour apres sera esleu pontife :
Du senat gueres il ne sera prouué,
Emprisonné son sang au sacré scyphe.

III. 66.
Le grand Baillif d'Orleans mis à mort,
Sera par vn de sang vindicatif :
De mort merite ne mourra ne par fort,
Des pieds & mains mal le faisoit captif.

III. 66.*
Le grand Baillif d'Orleans mis à mort
Sera par vn de ƒang vindicatif.
De mort merite ne mourra, ni par fort.
Des pieds & mains mal le faiƒoit captif.

III. 66.**
Le grand Baillif d'Orleans mis à mort
Sera par vn de ƒang vindicatif :
De mort merite ne mourra, ne par fort :
Des pieds & mains mal le faiƒoit captif.

III. 67.
Vne nouuelle fecte de Philosophes,
Mesprisant mort, or, honneurs & richesses,
Des monts Germains ne seront limitrophes,
A les ensuyure auront appuy & presses.

III. 67.*
Vne nouuelle fe¢te de Philoƒophes
Meƒpriƒant mort, or, honneurs & richeƒƒes :
Des monts Germains ils ƒeront limitrophes :
A les enƒuiure auront appuis & preƒƒes.

III. 67.**
Vne nouuelle fecte de Philosophes,
Mesprisant mort, or, honneurs & richesses,
Des monts Germains ne ƒeront limitrophes :
A les ensuyure auront appuy & preƒƒes.

III. 68.
Peuple sans chef d'Espagne & d'Italie,
Morts profligez dedans la Cherrenosse :
Leur duict trahy par legere folie,
Le sang nager par tout à la trauerse.

III. 69.
Grand exercice conduit par iouuenceau,
Se viendra rendre aux mains des ennemis :
Mais le vieillard nay au demy pourceau,
Fera Chalon & Mascon estre amis.

III. 70.
La grand Bretagne comprinse d'Angle-
(terre.
Viendra par eaux si fort à inonder :
La ligue neufue d'Ausonne fera guerre,
Que contre eux il se viendra bander.

III. 71.
Ceux dans les Isles de long temps assiegez,
Prendront vigueur force contre ennemis,
Ceux par dehors morts de faim profliegez
En plus grand faim que jamais seront mis.

III. 72.
Le bon vieillard tout enseuely,
Pres du grand fleuue par faute soupçon,
Le nouueau vieux de richesse ennobly :
Prins à chemin tout l'or de la rançon.

III. 73.
Quand dans le regne paruiendra la boiteux,
Compediteur aura proche bastard,
Luy & le regne viendront si fort rogneux
Qu'ains qu'il guerisse son fait sera bien tard.

III. 74.
Naples, Florence, Fauence, & Imole,
Seront en termes de telles fascherie,
Que pour complaire aux malheureux de Noll
Plaint d'auoir fait à son chef moquerie.

III. 75.
Pau, Veronne, Vincence, Saragousse,
De glaiues loings, terroirs de sang humides :
Peste si grande viendra à la grande gousse
Proches secours & bien loings les remedes.

III. 76.
En Germanie naistront diuerses fectes,
S'approchant fort de l'heureux paganisme,
Le cœur captif, & petites receptes
Feront retour à payer le vray dixme.

III. 76.*
En Germanie naiƒtront diuerƒes fe¢tes,
Approchans fort de l'heureux paganiƒme.
Le cueur captif, & petites recettes
Feront retour à payer le vray diƒme.

III. 76.**
En Germanie naistront diuerses fe¢tes,
S'approchans fort de l'heureux Paganiƒme :
Le cœur captif & petites receptes
Feront retour à payer le vray diƒme.

III. 77.
Le tiers climat sous Aries comprins,
L'an mil sept cens vingt & sept en Octobre,
Le Roy de Perse par ceus d'Egypte prins,
Conflit, mort, perte, à la croix grand opprobre.

III. 78.
Le chef d'Escosse, auec six d'Alemagne,
Par gens de mer Orientaux captifs,
Trauerseront le Calpre & Espagne,
Present en Perse au nouueau Roy craintif.

III. 79.
L'ordre fatal sempiternel par chaine,
Viendra tourner par ordre consequent :
Du port Phocen sera rompuë la chaine,
La cité prinse l'ennemy quant & quant.

III. 80.
Du regne Anglois l'indigne dechasser,
Le conseiller, par ire mis à feu :
Ses adherants iront si bas trasser,
Que le bastard sera demy receu.

III. 81.
Le grand criard sans honte audacieux,
Sera esle gouuerneur de l'armee,
La hardiesse de son contentieux
Le pont rompu, Cité de peur pasmee.

III. 81.*
Le grand Criard ƒans honte audacieux
Eƒleu ƒera Gouuerneur de l'armée.
La hardieƒƒe de ƒon contentieux.
Le Pont rompu, cité de pœur paƒmee.

III. 81.**
Le grand criard ƒans honte audacieux,
Sera eƒle gouuerneur del' armée :
La hardieƒƒe de ƒon contentieux.
Le pontrompu, cité de peur paƒmée.

III. 82.
Freins, Antibol, villes autour de Nice,
Seront vastees fort, par mer & par terre,
Les sauterelles terre & mer vent propice,
Prins, morts, trossez, pillez sans loy de guerre.

III. 83.
Les longs cheueux de la Gaule Celtique,
Accompagnez d'estranges nations,
Mettront captif la gent Aquitanique,
Pour succomber à leurs intentions.

III. 84.
La grand cité sera bien desolee,
Des habitans vn seul ny demourra,
Mur, sexe, temple, & vierge violee,
Par fer, feu, peste, canon, peuple mourra.

III. 85.
La Cité prinse par tromperie & fraude,
Par le moyen d'vn beau ieune attrappé,
L'assaut donné, Raubine pres de Laude,
Luy & tous morts pour auoir bien trompé.

III. 86.
Vn chef d'Ausonne aux Espagnesira,
Par mer fera arrest dedans Marseille,
Auant sa mort vn long temps languira,
Apres sa mort l'on verra grand merueille.

III. 87.
Classe Gauloise n'approches de Corsegne,
Moins de Sardaigne tu t'en repentiras,
Trestous mourrez frustrez de l'aide grogne.
Sang nagera captif ne me croiras.

III. 88.
De Barcelone par mer si grande armee
Toute Marseille de frayeur tremblera,
Isles saisies, de mer ayde fermee,
Ton traditeur en terre nagera.

III. 89.
En ce temps là sera frustré Cypres,
De son secours de ceux de mer Egee,
Vieux trucidez, mais par masles & liphres,
Seduict leur Roy, Royne plus outragee.
D

III. 90.
Le grand satyre & Tygre d'Hycarnie,
Don présenté à ceux de l'Ocean :
Vn chef de classe ystra de Carmanie,
Qui prendra terre au Tyrran Phocean.

III. 91.
L'arbre qu'estoit par si long temps seché,
Dans vne nuict viendra à reuerdir :
Cron, Roy malade, prince pied estaché,
Craint d'ennemis fera voile bondir.

III. 91.*
L'arbre qu'auoit par long temps mort ƒeché,
Dans vne nuit viendra à reuerdir.
Chron. Roy malade. Prince pied ettaché,
Craint d'ennemis fera voiles bondir.

III. 91.**
L'arbre qu'auoit par long-temps mort ƒeiché,
Dans vne nui¢t viendra à reuerdir :
Cron, Roy malade, Prince pied eƒtaché
Craint d'ennemis fera voile bondir.

III. 92.
Le monde proche du dernier periode,
Saturne encor tard sera de retour :
Translat empire nation Brodde :
L'œil arraché à Narbon par autour.

III. 93.
Dans Auignon tout le chef de l'empire,
Fera apprest pour Paris desolé :
Tricast tiendra l'Annibalique ire,
Luon par change sera mal consolé.

III. 94.
De cinq cens ans plus compte l'on tiendra,
Celuy qu'estoit l'ornement de son temps :
Puis à vn coup grande clarté donrra,
Que par ce siecle les rendra trescontens.

III. 95.
La loy Moricque on verra deffaillir,
Apres vne autre beaucoup plus seductiue,
Boristhenes premier viendra faillir,
Par dons & Langues vne plus attractiue.

III. 96.
Chef de Fossan aura gorge couppee,
Par le ducteur du limier & leurier :
La fait paré par ceux du mont Tarpee,
Saturne en leo treziesme Feurier.

III. 97.
Nouuelle loy terre neuue occuper,
Vers la Syrie, Iudee, & Palestine,
Le grand Empire Barbare corruer,
Auant que Pheses son siecle determeine.

III. 98.
Deux Royals freres si fort guerroyeront,
Qu'entr'eux sera la guerre si mortelle,
Qu'vn chacun places fortes occuperont,
De regne & vie sera leur grand querelle.

III. 98.*
Deux royaus freres ƒi fort guerroyeront,
Entre eux ƒera la guerre ƒi mortelle,
Qu'vn chacun places fortes occuperont.
De regne & vie ƒera leur grand querelle.

III. 98.**
Deux royals freres ƒi forr guerroyeront,
Qu'entre eux ƒera la guerre ƒi mortelle,
Qu'vn chacun place-fortes occuperont :
De regne & vie ƒera leur grand querelle.

III. 99.
Aux champs herbeux d'alein & du Varneigne,
Dumont Lebron proche de la Durance
Camp des deux parts conflit sera si aigre,
Mesopotamie deffaillira en la France.

III. 100.
Entre Gaulois le dernier honoré,
D'homme ennemy sera victorieux,
Force & terroir en moment exploré,
D'vn coup de trait quand mourra l'enuieux.